भारतपेने ग्राहकांसाठी सुरू केली नवीन सुविधा!
कंपनीने सध्या एक वर्षासाठी कर्ज सुविधा सुरू केली आहे. मीडिया रिपोर्ट्सनुसार, भारतपेचे कार्यकारी सुहेल समीर यांनी सांगितले की, आम्ही गोल्ड लोनद्वारे सुरक्षित कर्ज श्रेणीमध्ये प्रवेश केला आहे.
आपत्कालीन परिस्थितीत तुम्हाला पैशांची गरज भासल्यास तुम्ही भारतपेच्या सुवर्ण कर्ज योजनेचा लाभ घेऊ शकता. Fintech फर्म BharatPe ने आता आपल्या ग्राहकांसाठी गोल्ड लोनची सुविधा आणली आहे. BharatPe ने ग्राहकांसाठी 20 लाख रुपयांची झटपट गोल्ड लोन ऑफर आणली आहे. यासाठी कंपनीने नॉन-बँकिंग फायनान्स कंपनीशी (NBFC) करार केला आहे.
गेल्या काही दिवसांपासून ही कंपनी आपल्या वादांमुळे चर्चेत आहे. कंपनीचे संस्थापक अश्नीर ग्रोव्हर यांना कंपनीतून बाहेरचा रस्ता दाखवण्यात आला आहे. याशिवाय अनेक प्रकरणांमध्ये अशनीर ग्रोव्हर आणि कंपनीच्या व्यवहारांची अंमलबजावणी यंत्रणांकडून चौकशी केली जात आहे. गोल्ड लोन सुविधा सुरू करताना कंपनीने सांगितले की, कंपनीने सध्या दिल्ली-एनसीआर, हैदराबाद आणि बंगळुरू सारख्या शहरांमध्ये ही सेवा सुरू केली आहे. यानंतर हळूहळू त्याचा विस्तार करून भारतातील 20 शहरांमध्ये नेण्याची योजना आहे. यासोबतच कंपनी गोल्ड लोनद्वारे 500 कोटी रुपयांचे कर्ज देण्याची तयारी करत आहे.
भारतपे- मार्फत 30 मिनिटांत गोल्ड लोन सुविधा उपलब्ध होईल.
भारतपे कंपनीने दावा केला आहे की ती ग्राहकांना फक्त 30 मिनिटांत गोल्ड लोनची सुविधा देऊ शकते. यासाठी कंपनी डिजिटल माध्यमाचा वापर करत आहे. तसेच हे गोल्ड लोन अत्यंत किफायतशीर दरात सुरू करण्यात आल्याचे कंपनीने सांगितले. ग्राहक या कर्ज सुविधेचा लाभ केवळ 4.68 टक्के प्रतिवर्ष किंवा 0.39 टक्के दरमहा व्याजदराने घेऊ शकतात.
भारतपे गोल्ड लोनचा कालावधी-
कंपनीने सध्या एक वर्षासाठी कर्ज सुविधा सुरू केली आहे. मीडिया रिपोर्ट्सनुसार, भारतपेचे कार्यकारी सुहेल समीर म्हणाले की, आम्ही गोल्ड लोनद्वारे सुरक्षित कर्ज श्रेणीमध्ये प्रवेश केला आहे. या कर्जाच्या माध्यमातून आम्ही छोट्या आणि एमएसएमई उद्योगांना मदत करू शकू. हे कर्ज एक पायलट बेस प्रोजेक्ट म्हणून सुरू करण्यात आले असून त्याचे चांगले परिणाम आहेत. हे कर्ज कंपनीने 3, 6 आणि 12 महिन्यांच्या कालावधीसाठी सुरू केले आहे.
टिप्पण्या